Amaliy mashqlar
1Muvozanatni tiklash uchun nafas olish mashqi
U qisqa muddatli vaziyatlarda yordam beradi: darsdan oldin, sinfdagi janjaldan so'ng, tanaffus paytida, agar hissiyotlaringiz "to'lqinlanayotganini" his qilsangiz. Bir necha marta chuqur nafas olib chiqarish stress darajasini pasaytirishga va e'tiborni hozirgi lahzaga qaytarishga yordam beradi.
2"To'xtash-pauza"
Bu so'zma-so'z bir soniyaga to'xtab, o'zingizga "Hozir nimani his qilyapman?" degan savolni berish qobiliyatidir. Bu oddiy pauza birinchi hissiyotga berilmaslik, balki javob berishning yanada samaraliroq usulini tanlash uchun vaqt beradi. Ayniqsa, g'azab, charchoq yoki ichki zo'riqishni his qilganingizda juda foydali bo'ladi.
3Hissiyotlarni baholamasdan kuzatish
Agar g'azablangan yoki charchagan ekaningizni sezsangiz, bu ushbu holatingizni boshqarish yo'lidagi birinchi qadamdir. Hissiyotlaringizni "yaxshi" yoki "yomon" deb baholamasdan, shunchaki ularni kuzatish va qayerdan kelib chiqqanini tushunish muhimdir.
Bu amaliyotlar eng murakkab vaziyatlarda ham ichki xotirjamlik va moslashuvchanlikni saqlab qolish uchun foydalanishimiz mumkin bo'lgan kichik "tayanch nuqtalar"dir.
Qo'shimcha topshiriqlar
Hissiyotlarni boshqarish - bu jarayon. Har qanday vaziyatda birdaniga "mutlaqo xotirjam" bo'lib qolish mumkin emas. Ammo har safar to'xtab, ongliroq munosabatni tanlasangiz, bu oldinga tashlangan katta qadam bo'ladi.
Mavzu materiallarini mustahkamlash uchun quyidagi topshiriqlardan birini yoki bir nechtasini bajaring.
"Bir daqiqa" mashqi
Ertalab ish boshlashdan oldin nafas olish mashqini bajaring. Buni bir hafta davomida har kuni takrorlang va mashqdan oldingi, hamda keyingi holatlaringizni qayd etib boring. Kayfiyatingizdagi o'zgarishlarni sezayapsizmi?
O'z-o'zini boshqarish rejasi
Murakkab vaziyatlarda xotirjamlikni saqlashingizga yordam beradigan uch bosqichli shaxsiy "tekshirish ro'yxati"ni tuzing. Masalan: to'xtash, chuqur nafas olish, reaksiyani qayta shakllantirish.
Yangi odat
O'zini boshqarishning bitta usulini tanlab, uni keyingi hafta davomida har kuni qo'llang. Bu usul sizning holatingingizga va darslardagi muhitga qanday ta'sir qilayotganini kuzating.