AMALIY KEYSLAR

Quyidagi keysni o'rganib chiqing.

Beshinchi sinf o'quvchilarining maktab chatida janjal kelib chiqdi: bir o'quvchi boshqasining suratini joylashtirib, istehzoli ohangda izoh qoldirdi. Boshqa bolalar ham qo'shilishdi, layk bosishdi, izoh berishdi, qayta yuborishdi. Bir necha soatdan so'ng jabrlangan bolaning ota-onasi voqeadan xabardor bo'ldi. Ma'muriyatning aralashuvini talab qiladigan mojaro yuzaga keldi.

Nima xato ketdi?

Bir vaqtning o'zida bir nechta me'yorlar buzilgan: nashr etishga ruxsat berilmagan, maxfiylik buzilgan, istehzo va kamsitish holatlari kuzatilgan.

Maktab o'quvchilariga nimalarni yetkazish muhim?

  • Onlayn muloqot ham xuddi oflayn muloqot kabi ijtimoiy aloqa shaklidir.
  • So'zlar hazil tariqasida aytilsa ham, "layk" uchun e'lon qilinsa ham ko'ngilni og'ritishi mumkin.
  • Hurmat, xayrixohlik va mas'uliyat - universal qadriyatlar, shu jumladan internetda ham.

Sinfda o'tkaziladigan mashq: tarmoqdagi iz

Maqsad: Chop etilayotgan ma'lumotlarga tanqidiy yondashishni, foydalanuvchiga qarshi qanday ma'lumotlar ishlatilishi mumkinligini tushunishni o'rgatish.
Format: Guruh yoki juftlikda ishlash (30-40 daqiqa)
Oldindan tayyorgarlik: Xayotda mavjud bulmagan o'smirlar profillarining ikkita namunasini tayyorlang (bosib chiqarish yoki slaydda ko'rsatish mumkin). Har bir profil postlar, suratlar, fikrlar va teglarni o'z ichiga olishi kerak.

O'quvchilar uchun ko'rsatma:

  1. Guruhlarga bo'lining.
  2. Sizga xayoliy o'smirlar profillarining namunasi berilgan.
  3. Har bir profilni tahlil qiling va quyidagi savollarga javob bering:

Foydalanuvchi qaysi shaxsiy ma'lumotlarni oshkor qildi (yashash joyi, maktab, odatlar, sayohatlar va hokazo)?

Qanday xatarlar yuzaga kelishi mumkin? (jinoyatchilarning uyga kirishi, bezorilik, buzg'unchilik, firibgarlik, tengdoshlar bosimi va boshqalar)

Qanday ma'lumotlar yashirilishi yoki o'zgartirilishi kerak?

Xuddi shu fikrni qanday qilib xavfsiz tarzda ifodalash mumkin?

  1. Har bir guruh profillardan biri bo'yicha xulosalarni qisqacha taqdim etadi.

Profilga misol (qisqartirilgan):

Ism: Otabek_Pro
Bio: "11-sinf, futbolga qiziqaman. Har juma kuni "Mega Plaza Food kort"daman."
Rasm: Otabek o'zining uyi oldida, uy raqami rasmda ko'rilyapti; Otabek maktab logotipi ko'ringan maktab formasida rasmga tushgan.
Post: "Oyim va dadam dam olish kunlari shaharga ketishadi, uy mening ixtiyorimda qoladi!"
Izohlar: "Bollar, kechkurun Otabeknikida ko'rishamiz!"

Sinf bilan muhokama (butun guruh):

Bularning qaysi biri haqiqatan ham xavfli tuyuladi?
Tarmoqdagi xatti-harakatlarimizda ko'pincha qanday mayda-chuydalarni e'tibordan chetda qoldiramiz?
Bugunoq profillaringizda nimalarni o'zgartirish mumkin?