3-sinf o'quvchisi Damirga o'qituvchi dars paytida uni to'polon qilib chalg'itganligini va sinfdoshlarini fikrini bo'lib qo'yganligini muloyim va hurmat ohangida, sinf oldida izoh berib ketadi. Damir bu haqda uyga borgach, onasiga aytadi.
Ertasi kuni onasi hech qanday ogohlantirishsiz maktabga keladi, dars boshlanishidan oldin sinfga kirib, baland ovozda javob talab qiladi:
"Nega bolamga baqiryapsiz?! U men uchun juda nozik! Umuman, sizning haqqingiz bormi bolalarga bunaqa gapirishga?!" deb baqira ketdi onasi o'qituvchiga.
Savollar:
- Nima deb o'ylaysiz, nega ona aynan shunday reaksiya qildi?
- Agar siz o'qituvchi o'rnida bo'lganingizda nima qilgan bo'lardingiz?
- Katta odamlar va o'qituvchi o'rtasidagi ziddiyatda bola qanday hislarni boshidan kechirishi mumkin?
- Ushbu mojaroning oldi olinishi mumkinmidi? Qanday qilib?
- Ota-ona maktabga "eshikdan kiriboq" baqirib kelganda o'qituvchi o'zini qanday tutishi kerak?
- Bu holat maktab va ota-onalar o'rtasidagi ishonch haqida nimani ko'rsatadi?
- Kelajakda bunday ota-onalar bilan konstruktiv muloqotni qanday yo'lga qo'yish mumkin?
- O'qituvchi bunday mojarolarda nimalardan ehtiyot bo'lishi kerak, vaziyatni yanada og'irlashtirmaslik uchun?
- Oldindan nimalar qilinsa, "maktab–ota-ona" munosabatlari hamkorlikka asoslangan bo'lishi mumkin?
- Ota-onalarni tarbiya jarayoniga "men hammasini yaxshiroq bilaman" degan kayfiyatga tushmasdan qanday jalb qilish mumkin?
Savollarga oid tavsiyalar
-
Ota-onaning his-tuyg'ularini tushunishga harakat qiling — hatto qo'pol gapirayotgan bo'lsa ham, ehtimol, bu ortida farzandi uchun xavotir, qo'rquv yashiringan.
-
Sha'xsiyatga tegmang va shaxsga o'tishga yo'l qo'ymang. Onaning o'zini emas, faqat uning xatti-harakatlarini muhokama qiling.
-
Tinch va ishonchli ohangda gapiring. Baqirish shart emas, lekin haddan ortiq yumshoq ham bo'lmang — o'zingizni va suhbatdoshni hurmat qiling.
-
Chegaralaringizni yodda tuting. O'qituvchi — bu o'zining maqomiga ega inson, va u o'zini himoya qilishi mumkin.
-
Mojaroga kirishish emas, kelishuvga intiling. Asosiy maqsad — bolaning foydasi. Ana shu nuqtada umumiy til topish mumkin.
-
Aloqani oldindan shakllantirishni o'rganing. Ba'zida shunchaki o'z vaqtida va aniq tushuntirish bilan mojaroni butunlay oldini olish mumkin bo'ladi.
-
Professional muloqot asoslarini rivojlantiring. Doimiy aloqa va ochiqlik muhim ahamiyatga ega.
-
Hissiyotlarga berilmang va professional pozitsiyani saqlang. Har doim bolaning manfaatlarini birinchi o'ringa qo'ying.
-
Hamkorlik muhitini yaratish uchun o'zaro hurmat va ishonch asosida munosabatlar qurish zarur.
-
Ota-onalarning fikr va takliflarini hurmat qiling, ularni jarayonning faol ishtirokchilari sifatida qabul qiling.
