Portal test rejiminde islep tur!

Oqıw-metodikalıq iskerlikke tiyisli atamalar sózligi

Maʼruzalar kursi

fanning oʻquv dasturi boʻyicha maʼruzalar kursining nomi tegishli fan nomi bilan atalgan, undagi barcha mavzularning asosiy mazmuni qisqa yoritilgan, birlamchi yangi bilimlarni olishga qaratilgan, foydalaniladigan asosiy va qoʻshimcha oʻquv adabiyotlari koʻrsatilgan, oʻzini oʻzi nazorat qilishga oid savollar turkumi, mavzuga tegishli tayanch atama va iboralar keltirilgan, taʼlim muassasalarining kengashi (pedagogika kengashi) tavsiyasi asosida chop etiladigan nashr

Maʼruzalar toʻplami

muayyan fanning oʻquv dasturi boʻyicha undagi ayrim mavzularning asosiy mazmuni qisqa yoritilgan, birlamchi yangi bilimlarni olishga qaratilgan, foydalaniladigan asosiy va qoʻshimcha oʻquv adabiyotlari koʻrsatilgan, oʻzini oʻzi nazorat qilishga oid savollar turkumi, mavzuga tegishli tayanch atama va iboralar keltirilgan, ilmiy-tadqiqot izlanishlari asosida muntazam yangilanib turiladigan, taʼlim muassasalarining kengashi (pedagogika kengashi) tavsiyasi asosida chop etiladigan kichik adadli nashr

Metodik qoʻllanma

oʻqituvchi yoki mutaxassislar uchun darsni rejalashtirish, oʻtkazish va baholash usullarini bayon etuvchi amaliy tavsiyalar toʻplami

Metodik tavsiyalar

oʻqituvchilar uchun taʼlim jarayonini samarali tashkil etish maqsadida tayyorlangan yoʻriqnomalar va tavsiyalar majmuasi.

Metodika

ilmiy tadqiqot yoki oʻqitish jarayonida qoʻllaniladigan usullar tizimi va ularni tadbiq etish yoʻllari haqidagi taʼlimot

Musiqa taʼlimida xrestomatiya

oʻquvchilar uchun moʻljallangan, tanlab olingan asarlar, kuylar, qoʻshiqlar, cholgʻu pyesalari yoki vokal mashqlari toʻplamidir.

Nota daftari

oʻquvchilarning amaliy mashgʻulotlari uchun moʻljallangan maxsus daftar boʻlib, unda kuylar, mashqlar, lad va ritmik naqshlar yoziladi.

Offlayn taʼlim vositalari

internetsiz sharoitda foydalanish mumkin boʻlgan elektron yoki bosma oʻquv vositalari

Oʻqituvchi uchun metodik qoʻllanma

darslikdagi har bir mavzuni samarali oʻqitish metodikasi, qoʻshimcha sinov topshiriqlari va oʻqituvchining darsni qiziqarli tashkil etishiga oid boshqa metodik koʻrsatmalar berilgan, har bir darsning maqsadi, darsda foydalaniladigan vositalar va ulardan foydalanish usullari, darsning mazmuni, amaliy mashgʻulotlar, qoʻshimcha topshiriqlar va boshqalar haqida metodik koʻrsatmalar aniq bayon qilingan kitob shaklidagi oʻquv nashri

Oʻqituvchilarning elektron metodik platformasi

taʼlim berish va taʼlim olish jarayonini qoʻllab-quvvatlash va yanada yaxshilashga moʻljallangan, oʻqituvchilar tomonidan taʼlim jarayonida foydalaniladigan raqamli resurslarni oʻz ichiga olgan, samarali oʻqitish metodikasini amaliyotda qoʻllash va oʻqituvchilar oʻrtasidagi oʻzaro hamkorlikni rivojlantirishga qaratilgan, oʻqituvchilar uchun oʻquv materiallari, manbalari va amaliy topshiriqlarni yaratish, tartibga solishga qaratilgan markazlashtirilgan elektron joy vazifasini bajaradigan raqamli yoki onlayn axborot tizimi