Page 6 - PISA 2025 - Raqamli dunyoda o‘rganish

KIRISH

Raqamli dunyoda ta’lim jarayonlarini samarali tashkil etish uchun innovatsion
texnologiyalarning o‘rni kundan-kunga ortib bormoqda. Zamonaviy ta’lim

jarayonlarining jadal rivojlanishi raqamli texnologiyalar bilan uzviy bog‘liq
bo‘lib, bu texnologiyalar ta’limning sifatli va interfaol bo‘lishiga xizmat qilmoqda.

XXI asrda axborot-kommunikatsiya texnologiyalarining har tomonlama
integratsiyalashuvi ta’lim oluvchilarning o‘quv jarayonlarini qiziqarli,

mazmunli, interfaol va samarali tashkil qilish imkoniyatlarini kengaytirmoqda.
Chunki raqamli ta’lim texnologiyalari nafaqat ta’lim oluvchilar, balki ta’lim

beruvchilarga ham dars sifatini oshirish uchun ko‘plab zamonaviy pedagogik
dasturiy vositalardan foydalanish taklifini bermoqda.

Shuningdek, raqamli texnologiyalar orqali ta’lim jarayonini moslashuvchan va

individual yondashuvga ega qilish imkoniyati paydo bo‘lmoqda. Masalan, sun’iy
intellekt va moslashuvchan o‘qitish platformalari yordamida o‘quvchilarning
shaxsiy xususiyatlari va bilim darajasiga mos o‘quv kontentlarini yaratish

mumkin. Bu esa o‘quvchilarning o‘zlashtirish darajasini oshirib, ularning o‘quv

jarayonida yanada faolroq bo‘lishlarini ta’minlaydi. Bundan tashqari, raqamli
muhitda ta’lim olish orqali o‘quvchilar global bilimlarni va xalqaro miqyosdagi
tengdoshlari bilan tajriba almashish imkoniyatiga ega bo‘lmoqda. Bu esa

ularning kelajakda xalqaro raqobatbardoshlik darajasini oshiradi.

4 | PISA 2025 — Raqamli dunyoda o‘rganish