Page 7 - PISA 2025 - Raqamli dunyoda o‘rganish
P. 7
Bugungi kunda ta’lim sifatini aniqlash va uni oshirish maqsadida strategik
qarorlar qabul qilish uchun xalqaro miqyosda o‘quvchilarning bilim, ko‘nikma
va savodxonligini baholash tizimlari muhim rol o‘ynaydi. Shunday tizimlardan
biri – PISA (Programme for International Student Assessment) hisoblanadi.
PISA xalqaro tadqiqoti Ta’lim bo‘yicha Iqtisodiy Hamkorlik va Taraqqiyot
Tashkiloti (OECD) tomonidan tashkil etilib, har uch yilda bir marta o‘tkaziladi.
Ushbu dastur orqali 15 yoshli o‘quvchilarning matematika, tabiiy fanlar va
o‘qish savodxonligi bo‘yicha tayyorgarlik darajasi baholanadi. 2025-yilda
o‘tkaziladigan PISA baholash jarayoni avvalgi tadqiqotlardan tubdan farqlanib,
yangi texnologiyalar asosida amalga oshiriladi.
Aynan shu sababli “PISA 2025 — Raqamli dunyoda o‘rganish” mavzusi
dolzarb bo‘lib, bugungi ta’lim tizimi uchun muhim ahamiyat kasb etadi. PISA
2025 xalqaro baholash tizimining asosiy yangiliklaridan biri raqamli dunyo
sharoitida o‘quvchilarning o‘zlashtirish darajasini baholashga alohida e’tibor
qaratilishidir. Bugungi ta’lim jarayonlarida raqamli texnologiyalardan samarali
foydalanish nafaqat o‘quvchilarning savodxonligini oshirishga, balki ularning
tanqidiy fikrlash, muammolarni hal qilish, axborotni tahlil qilish va qaror qabul
qilish ko‘nikmalarini rivojlantirishga xizmat qiladi.
Kirish | 5
