Sanlı tálimniń túsindirme sózligi
- Axborot-kommunikatsiya texnologiyalari (AKT)
Shaxsiy, ommaviy va ishlab chiqarish kommunikatsiyasida axborotni tayyorlash, qayta ishlash hamda yetkazib berish bilan bogʻliq boʻlgan obyektlar, ishlar, qoidalar kompleksi, shuningdek, jamlangan holda sanab oʻtilgan jarayonlarni taʼminlaydigan barcha texnologiyalar va tarmoqlar. Axborot-kommunikatsiya texnologiyalari — axborotni yaratish, uzatish, qayta ishlash va boshqarish bilan bogʻliq texnologiyalar.
- Badiiy elektron nashr
Badiiy adabiyot, tasviriy sanʼat, teatr, estrada va sirk ijodiyoti asarlari, kino asarlari, muzey va madaniyat sohasiga taalluqli va ilmiy tadqiqotlarning mazmunidan iborat boʻlmagan boshqa axborotdan iborat elektron nashr.
- Bosma oʻquv adabiyotining elektron oʻxshashi
Mos bosma oʻquv adabiyotini asosan qayta tiklovchi elektron oʻquv adabiyoti (sahifalarda matnning joylashishi, rasmlar, havolalar, eslatmalar va h.k.)
- Bosma oʻquv adabiyotining elektron oʻxshashi
Mos bosma oʻquv adabiyotini asosan qayta tiklovchi elektron oʻquv adabiyoti (sahifalarda matnning joylashishi, rasmlar, havolalar, eslatmalar va h.k.).
- Brauzer (browser)
Foydalanuvchiga gipermatnni olish va oʻqish, gipermatnli uzellar (veb-sahifalar) mazmunini koʻrish, bitta veb-sahifadan boshqa veb-sahifaga oʻtish, shuningdek kontent bilan oʻzaro ishlash, aks ettirilayotgan kontentning tashqi koʻrinishini oʻzgartirish imkonini beradigan ilova
- Bulutli saqlash
maʼlumotlar, asosan uchinchi tomon tarafidan mijozlarga foydalanish uchun taqdim etiladigan tarmoqda taqsimlangan koʻp sonli serverlarda saqlanadigan onlayn-saqlash joyining modeli
- Bulutli texnologiyalar
Raqamli maʼlumotlarni taqsimlangan qayta ishlash texnologiyalari boʻlib, ular yordamida kompyuter resurslari internet foydalanuvchisiga onlayn xizmat sifatida taqdim etiladi
- Didaktik vositalar
O‘quv fanini o‘zlashtirish samaradorligini oshirishga xizmat qiluvchi pedagogik vositalar.
- Elektron darslik
AKTga asoslangan DTS, malaka talablari, uslubiyati va didaktik talablari asosida, milliy gʻoya va maʼnaviy qadriyatlarimiz singdirilgan, muayyan oʻquv fanining mavzulari toʻliq yoritilgan, tegishli bilimlarni mukammal oʻzlashtirilishiga qaratilgan elektron material.
- Elektron dayjest
Ilmiy, ilmiy-uslubiy, oʻquv, davriy adabiyotlar, hukumat va turli tashkilotlar faoliyatiga tegishli qonunlar, farmonlar, qarorlar hamda boshqa meʼyoriy-huquqiy hujjatlar mazmunining qisqacha bayoni va sharhi keltirilgan, sohalarga oid maʼlumotlar toʻplami sifatida foydalaniladigan raqamli resurs.