Page 71 - PISA 2025 - Raqamli dunyoda o‘rganish

o‘quvchilarning hisoblash muammolarini hal qilish amaliyoti va o‘z-o‘zini
boshqarish orqali o‘rganish jarayonining samaradorligini aniqlashga qaratilgan.
Har bir topshiriq bo‘yicha dalillar qoidalari turli kognitiv laboratoriyalar va pilot

tadqiqotlar orqali aniqlashtirilgan hamda PISA 2025 maydon sinovlari (Field

Trial) orqali tasdiqlanadi. Bunda o‘quvchilar yutuqlari, o‘z-o‘zini boshqarish
orqali o‘rganish xatti-harakatlari va test jarayonidagi o‘rganish natijalari
umumlashtirilib, hisobot shaklida taqdim etiladi. Ushbu hisobot strategiyasi

PISA baholash tizimining asosiy maqsadlariga mos ravishda ishlab chiqilgan va

ko‘p o‘lchovli ma’lumotlar taqdim etishga qaratilgan.

O‘quvchilarning hisoblash muammolarini hal qilish bo‘yicha ko‘nikmalari
an’anaviy PISA baholash tizimidagi kabi yutuq darajalari (achievement levels)
bo‘yicha o‘lchanadi. Hisobot faqat o‘quvchilarning natijalari bilan cheklanib

qolmay, balki ularning raqamli resurslardan foydalangan holda qanday o‘rganish

qobiliyatiga ega ekanligini ham ko‘rsatadi.

PISA 2025 dasturining raqamli dunyoda o‘rganishni baholash modeli nafaqat

an’anaviy bilimlarni o‘lchashga, balki raqamli vositalardan foydalanish orqali
o‘quvchilar qanday qilib yangi bilimlar hosil qilishlari va ularni amaliyotda

qo‘llashlarini baholashga yo‘naltirilgan. Bu baholash modeli hisoblashga
asoslangan muammolarni hal qilish, o‘z-o‘zini boshqarish va raqamli muhitga

moslashish kabi jihatlarni qamrab oladi. Natijalar esa mamlakatlarga o‘z ta’lim
tizimlarida raqamli texnologiyalarning ta’lim jarayoniga ta’sirini baholash va

yaxshilash uchun muhim ma’lumotlarni taqdim etadi.

III Bob. Amaliy topshiriqlar tasnifi va baholash modeli | 69