Page 31 - PISA 2025 - Raqamli dunyoda o‘rganish

to‘g‘ri kelishi kutilmoqda. Bu esa raqamli texnologiyalar nafaqat aloqa va axborot
sohasida, balki sanoat, xizmat ko‘rsatish, moliya, ta’lim kabi barcha sohalar
rivojida hal qiluvchi omilga aylanmoqda. Sun’iy intellekt, bulutli texnologiyalar,

katta ma’lumotlar (Big Data) va “Ashyolar interneti” (IoT) kabi zamonaviy

innovatsion yechimlar esa raqamli dunyoning yangi rivojlanish yo‘nalishlarini
belgilab bermoqda.

Raqamli texnologiyalarning ijtimoiy sohada ko‘rsatgan global ta’siri, ayniqsa,
ta’lim tizimida ham sezilarli o‘zgarishlarga sabab bo‘lmoqda. Ijtimoiy tarmoqlar

va raqamli platformalar ta’lim oluvchilarga dunyoning istalgan nuqtasidan ta’lim

olish, ta’lim beruvchilar bilan tezkor muloqot o‘rnatish, jamoaviy loyihalarda
ishtirok etish imkonini yaratmoqda.

Shu bilan birga, raqamli dunyoda e’tibor qaratish lozim bo‘lgan muhim jihat,
raqamli tafovutni ham keltirib chiqarmoqda. Mazkur raqamli tafovut tufayli

ba’zi aholi qatlamlari va mintaqalar ilg‘or texnologiyalardan yetarlicha foydalana
olmasligi, iqtisodiy va ijtimoiy tengsizliklarni kuchaytirishi mumkin.

Raqamli dunyo chegaralarsiz axborot oqimi, har qanday joydan tezkor

ulanish imkoniyati hamda texnologik innovatsiyalarning doimiy va shiddatli
rivojlanishi bilan ajralib turadi. Ijtimoiy tarmoqlardagi “trend”lar bir lahzada
butun dunyoga tarqalishi yoki yangi texnologiyalar qisqa muddat ichida

ommalashishi bu jarayonning yaqqol namunasidir. Ta’lim sohasida ham raqamli

dunyo ta’lim oluvchilarning axborotga bo‘lgan yondashuvini tubdan o‘zgartirib,
ularning muloqot qilish, o‘rganish va bilim olish usullarini sezilarli darajada
transformatsiya qilmoqda. Natijada, ta’lim tizimi yanada moslashuvchan

bo‘lishga intilib, raqamli savodxonlik va innovatsion texnologiyalar asosida

rivojlanmoqda.

II Bob. PISA 2025 - Raqamli dunyoda o‘rganish | 29